No especial deste mércores, poderase gozar dalgunhas das súas actuacións máis sonadas e das composicións que xa forman parte da historia da música
Santiago, 27.12.2011.- En pleno meridiano do Nadal, a TVG achega un espectáculo musical centrado na figura dun dos grandes da nosa música, Juan Pardo, que se poderá ver nalgunhas das súas máis sonadas actuacións, como con Rocío Jurado, e gozar das novas versións dun artista que xa é un clásico da historia da música.
Grazas a un dos artistas de máis sona do panorama nacional, que fixo que o tema “Bravo pola música” pasase á historia, no programa especial deste mércores (22.00h), presentado por Iria Sobrado e Ricardo Pardo, poderase ver o presente e o futuro da música galega, a través das composicións de Juan Pardo e tamén grazas á presenza das súas dúas fillas, Lys e Teba.
Intérprete e compositor dos mellores artistas, a música de Juan Pardo volve con forza no Nadal para gozar dun dos clásicos do panorama actual, do que esta noite se van poder escoitar versións moi variadas, como as de Pili Pampín, Lucía Pérez, Toni Lomba, Maret, Alba Mesa, Banda de Balbina, Hugo e Yadhira, Coral Polifónica Estradense, The Xoubas (grupo de rapaces creado no programa “Un mundo de nenos”) e unha conxunción de orquestras.
No hay comentarios:
Publicar un comentario